Պետդումա է ներկայացվել ռուսատյացության քարոզչության համար մինչեւ 50 հազար ռուբլի տուգանք սահմանող օրինագիծ
Ռուսաստանում ռուսատյացության քարոզչության համար տուգանքներ սահմանող օրինագիծ է ներկայացվել Պետդումա: Պատգամավոր Իլյա Պոնոմարյովի ներկայացրած նախագածում առաջարկվում է նման դեպքերում կիրառել մինչեւ 50 հազար ռուբլի տուգանք, հաղորդում է РИА Новости-ն:
Պատգամավորը նշել է, որ տարբեր լրատվամիջոցներում հայտնվում են ռուսաֆոբիական տրամադրություններ փոխանցող նյութեր: Նախագծով փոփոխություններ են առաջարկվում վարչական իրավախախտումների մասին օրենսգրքում` սահմանելով տուգանքներ ԶԼՄ-ներով, ինչպես նաեւ զանգվածային հանրահավաքների ժամանակ ռուսատյացության քարոզչության համար:
