«Ժառանգություն»-Ծառուկյան հանդիպումը տեղի կունենա վաղը
168.am-ի հետ զրույցում ԱԺ «Ժառանգություն» խմբակցության ղեկավար Ռուբեն Հակոբյանը հայտնեց, որ կուսակցությունը ԲՀԿ առաջնորդ Գագիկ Ծառուկյանի հետ հանդիպելու հրավեր է ստացել, սակայն առայժմ չի որոշել , թե երբ և որտեղ է տեղի ունենալու հանդիպումը։ Այսօր արդեն ԲՀԿ և «Ժառանգություն» խմբակցությունների անդամները քննարկել են հանդիպման մանրամասները։ 168.am-ի հետ զրույցում ԲՀԿ խմբակցության պատգամավոր Ստեփան Մարգարյանն ասաց, որ հանդիպելու են վաղը, իսկ թե որտեղ և ժամը քանիսին՝ Մարգարյանը դժվարացավ պատասխանել՝ պատճառաբանելով, որ քննարկման դետալներին ծանոթ չէ։ Մեր հարցին, թե արդյոք «Ժառանգության» առաջնորդ Րաֆֆի Հովհաննիսյանը կմնասնակցի՞ հանդիպմանը, Մարգարյանը պատասխանեց. «Չգիտեմ, հույս ունեմ»։
