Ուկրաինայի դեսպանը չցանկացավ մեկնաբանել Հայաստանի դիրքորոշումը
Հայաստանի Հանրապետությունում Ուկրաինայի արտակարգ և լիազոր դեսպան Իվան Կուխտան այսօր մամուլի ազգային ակումբում լրագրողների հետ հանդիպմանը խուսափեց գնահատական տալ Ուկրաինայի ճգնաժամի վերաբերյալ Հայաստանի դիրքորոշմանը։ Հարցին, թե ինչպես է նա վերաբերվում ՀՀ պաշտոնական դիրքորոշմանը, դեսպանը պատասխանեց.
«Ես չեմ կարող, թե ինչ դիրքորոշում ունի ՀՀ իշխանությունը, որովհետև դա իմ լիազորությունների մեջ չի մտնում։ Մենք գիտենք, որ ՀՀ նախագահը համապատասխան հայտարարություն է արել Դուբլինում այն մասին, որ Հայաստանը կողմ է խնդրի խաղաղ կարգավորմանը։ Իսկ ՀՀ արտաքին գործերի նախարար պրն Նալբանդյանը իր սերբ գործընկերոջ հետ ասուլիսի ժամանակ նույնպես նույն դիրքորոշումը հայտնեց։ Ահա այսպիսի դիրքորոշում ունի Հայաստանը»։
