Օբաման Ռուսաստանին մեղադրել է միջազգային իրավունքի նորմերը խախտելու մեջ
ԱՄՆ նախագահ Բարաք Օբաման Ռուսաստանին մեղադրել է միջազգային իրավունքի նորմերը խախտելու մեջ, հաղորդում է Agence France-Presse–ը:
Համապատասխան հայտարարությամբ ԱՄՆ նախագահը հանդես է եկել Ուկրաինայի վարչապետ Արսենի Յացենյուկի հետ մարտի 12-ի ուշ երեկոյան կայացած հանդիպման ժամանակ: Նա հայտարարել է, որ Վաշինգտոնը պաշտպանում է Ուկրաինայի տարածքային ամբողջականությունը եւ Ռուսաստանի նախագահ Վլադիմիր Պուտինին կոչ է արել ուրիշ ուղի ընտրել:
Իր հերթին Յացենյուկն ասել է, որ Ուկրաինայի իշխանությունները բաց են Ռուսաստանի հետ երկխոսության համար, եւ ամեն ինչ կախված է բանակցություններ սկսելու ռուսական կողմի պատրաստակամությունից:
