Կիևն արգելափակել է Ղրիմի ինքնավարության հաշիվները
INTERFAX գործակալության փոխանցմամբ` Կիեւի իշխանություններն արգելափակել են Ղրիմի ինքնավարության հաշիվները եւ անջատել պետական գանձարանի Ղրիմի ստորաբաժանման էլեկտրոնային համակարգը: Այս մասին հայտարարել է Ղրիմի Ինքնավար Հանրապետության փոխվարչապետ Ռուստամ Տեմիրգալիեւը: «Հենց նոր մեզ հայտնեցին, որ Ուկրաինան արգելափակել է պետական գանձարանի Ղրիմի ստորաբաժանման համակարգն ու բոլոր հաշիվները»,-հայտարարել է նա:
Պաշտոնյան միաժամանակ վստահեցրել է, որ Կիեւի իշխանությունների գործողությունները բացասաբար չեն ազդի կենսաթոշակների եւ աշխատավարձերի վճարման գործընթացի վրա:
