Հանրաքվեից հետո Սևաստոպոլը որպես առանձին սուբյեկտ կընդգրկվի Ռուսաստանի կազմում
Հանրաքվեից հետո Սևաստոպոլը որպես առանձին սուբյեկտ կընդգրկվի Ռուսաստանի կազմում: Այդ մասին հայտարարել է Սեւաստոպոլի քաղաքապետի պաշտոնակատար Դմիտրի Բելիկը, հաղորդում է ԻՏԱՌ-ՏԱՍՍ-ը:
«Ղրիմցիների հետ մենք կունենանք ընդհանուր հանրաքվե, սակայն դրանից հետո Ռուսաստանի կազմում կընդգրկվի երկու սուբյեկտ` Սեւաստոպոլն առանձին եւ Ղրիմն առանձին: Սահմանադրության մեջ եւս համապատասխան փոփոխություններ կկատրվեն»,-ասել է Բելիկը:
Նրա խոսքով` հանրաքվեի ժամանակ երկու հարց կլինի` «Համաձայն եք, որ Սեւաստոպոլը վերամիավորվի Ռուսաստանին որպես իրավահավասար սուբյեկտ» եւ «Համաձայն եք, որ Սեւաստոպոլն ընդգրկվի Ուկրաինայի կազմում եւ վերականգնվի 1992թ. սահմանադրությունը»:
Ղրիմի կարգավիճակի մասին հանրաքվեն տեղի կունենա մարտի 16 –ին:
