Ուկրաինայի բյուջեի սեկվեստրի պատճառով երկրում կենսաթոշակները կրկնակի կնվազեն
Ուկրաինայի կառավարությունը մոտ ապագայում կարող է գնալ բյուջետային ծախսերի կրճատման, ինչը կազդի նաեւ շարքային քաղաքացիների կյանքի վրա: Այդ մասին նշվում է Ուկրաինայի կառավարության ծրագրի իրականացման միջոցառումների պլանում, հաղորդում է RT-ն:
Ուկրաինայի բյուջեին մի շարք կրճատումներ են սպասվում: Ֆինանսների նախարարության ներկայացրած փաստաթղթում նշում է, որ առաջարկված միջոցներն անհրաժեշտ են ԱՄՀ հետ համագործակցության ծրագրի վերսկսման եւ այդ կազմակերպությունից օգնություն ստանալու համար: Մասնավորապես առաջարկվում է կիսով չափ կրճատել աշխատող թոշակառուների կենսթոշակները, «շտապ օգնության» աշխատակիցների հավելավճարները, քաղաքացիներին արտոնյալ պայմաններով դեղորայքի տրամադրման ծրագիրը եւ այլն: Կվերանայվեն նաեւ բյուջետային մի շարք ծրագրեր:
