Անվճար բուժսպասարկում՝ անապահովության՝ 30-ից բարձր միավոր ունեցողներին (տեսանյութ)
ankyun3.am-ը գրում է. ՀՀ Կառավարության՝ 2013 թվականի դեկտեմբերի 26-ի որոշմամբ, առողջապահական հիմնարկներում պետական պատվերի շրջանակում բուժվող սոցիալապես անապահով խմբերի ցանկն ավելացել է: 2014 թվականի հունվարի 1-ից ՀՀ սոցիալապես անապահով այն քաղաքացիները, որոնց անապահովության միավորը 30-ից բարձր է, առողջապահական հիմնարկներում սպասարկվում են անվճար կարգով, այսինքն՝ նրանց փոխարեն վճարում է պետությունը: Մինչ այս որոշումը, անվճար սպասարկվել են անապահովության համակարգում հաշվառված 36 և ավելի բալ ունեցող անապահով քաղաքացիները:
