Ադլերում և Կրասնոգորսկում հանցագործություններ կատարած անձինք բերման են ենթարկվել

Մարտի 4-ին, ժամը 12.30-ին, ոստիկանության Արմավիրի բաժին է ներկայացել 1958 թ. ծնված Քաջիկ Մ.-ն, որը 2013 թ. սեպտեմբերի 13-ից ՌԴ Սոչի քաղաքի Ադլերի շրջանի ոստիկանության բաժնի կողմից հետախուզվում էր ճանապարհային երթևեկության և տրանսպորտային միջոցների շահագործման կանոնները խախտելու մեղադրանքով:

Ոստիկանության Ախուրյանի բաժնի ծառայողները մարտի 4-ին, ժամը 11.20-ին, Ջաջուռավան գյուղից բերման են ենթարկել 1974 թ. ծնված Տիգրան Գ.-ին, որը 2012 թ. նոյեմբերի 6-ից ՌԴ Կրասնոգորսկի շրջանի ոստիկանության կողմից հետախուզվում էր գողության մեղադրանքով:

ՀՀ Ոստիկանություն