Փլուզում` Նորավան գյուղում. կան տուժածներ
Մարտի 2-ին, ժամը 18.41-ին ահազանգ է ստացվել, որ Արմավիրի մարզի Արմավիր քաղաքի Նորավան գյուղի 2-րդ փողոցի թիվ 20 տան պատշգամբը փլուզվել է, կա տուժած. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:
Պարզվել է, որ փլուզվել է Նորավան գյուղի 2-րդ փողոցի թիվ 21 երկհարկանի տան պատշգամբի (8 քմ) 6 քմ հատվածը, ինչի հետևանքով այնտեղ գտնվող Ց. (ծնվ.1942 թ.) և Դ. (ծնվ.1999 թ.) Վ.-երը ստացել են տարբեր մարմնական վնասվածքներ:
Հրշեջ-փրկարարները սահմանազատել են տարածքը և տուժածներին մոտեցրել շտապօգնության ավտոմեքենային, ովքեր տեղափոխվել են Արմավիրի ԲԿ:
Բժիշկները տուժածների առողջական վիճակը գնահատել են բավարար:
Արտակարգ իրավիճակների նախարարություն
