Ռուսաստանի Դաշնային խորհուրդը հավանության է արժանացրել Ղրիմ զորքեր մտցնելու նախաձեռնությունը
Ռուսաստանի Դաշնային խորհուրդը Ուկրաինայի տարածքում Ռուսաստանի զինված ուժերն օգտագործելու թույլտվություն է տվել, հաղորդում է «Գազետան»: Ռուսաստանի նախագահ Վլադիմիր Պուտինը նման թույլտվություն ստանալու համար դիմել էր Դաշանային խորհրդին:
Խոսքը Ղրիմի Ինքնավար Հանրապետության տարածքում զորքերի օգտագործման մասին է: Փաստաթղթում նշվում է, որ տվյալ միջոցառումն անհրաժեշտ է արտակարգ իրավիճակի հետ կապված, որը սպառնալիք է ներկայացնում Ռուսաստանի Դաշնության քաղաքացիների, ինչպես նաեւ Ղրիմի տարածքում տեղակայված զինվորականների համար:
Ուկրաինայի տարածքում զորքերի տեղակայում ծրագրվում է իրականացնել «մինչեւ այդ երկրում հասարակական-քաղաքական իրավիճակի կայունացումը»:
