Ղրիմում վայրէջք է կատարել ռուսական 13 օդանավ. Կունիցին
Ղրիմում Ուկրաինայի նախագահի մշտական ներկայացուցիչ Սերգեյ Կունիցինը հայտարարել է ռուսական դեսանտով 13 Իլ -76 օդանավի ժամանման մասին:
Ղրիմաթաթարական ATR հեռուստաընկերության եթերում նա հայտարարել է, որ յուրաքանչյուր օդանավում մոտ 150 դեսանտային է գտնվում:
Նա կարծիք է հայտնել, որ թերակղզում Ռուսաստանի ռազմական ներխուժում է տեղի ունենում: «Եւ դա մատուցվում է այնպես, թե իբր բնակչությունը վրդովված է, իսկ մենք պաշտպանում ենք, որ նրանք չհարձակվեն: Մենք հրաշալի հասկանում ենք, որ ոչ մի նման սպառնալիք մինչ օրս չի եղել եւ ոչ ոք ոչ մեկի վրա չի հարձակվել»,-ասել է նա:
Ըստ նրա` «ներխուժման» մասնակիցները սպասում են, որ ուկրաինացի զինվորականները կրակեն:
