Զինված անձինք գրավել են Ղրիմի խորհրդարանի շենքը. ներքին զորքերում տագնապ է հայտարարվել
ZN.UA-ի փոխանցմամբ՝ ինքնաձիգներով ու գնդացիրներով զինված անհայտ անձինք գրավել են Սիմֆերոպոլում գտնվող Ղրիմի Գերագույն ռադայի շենքը: Այս մասին Facebook-ի իր էջում գրել է Ուկրաինայի ներքին գործերի նախարարի պաշտոնակատար Արսեն Ավակովը:
Նա հայտնել է, որ տագնապի ազդանշանով ոտքի են հանվել ներքին զորքերն ու ողջ ոստիկանությունը. «Քաղաքացիական բնակչության շրջանում արյունահեղություն թույլ չտալու համար շրջապատվել է այն թաղամասը, որում գտնվում է Ղրիմի Գերագույն ռադան: Ձեռնարկվել են նաև այլ միջոցներ»:
