Բոսֆորի նեղուցի վրայով կանցկացվի ճոպանուղի
Euromag-ի փոպանցմամբ՝ Թուրքիան մտադիր է ճոպանուղի անցկացնել Ստամբուլը երկու մասի (եվրոպական ու ասիական) կիսող Բոսֆորի նեղուցի վրայով: Դա հնարավորություն կտա Ստամբուլի ասիական հատվածով անցնել ընդամենը 15 րոպեում:
Քաղաքային իշխանությունների կարծիքով՝ նախագծի իրագործումը ոչ միայն կլուծի տրանսպորտային խնդիրը, այլև կնպաստի զբոսաշրջության զարգացմանը: Ճոպանուղին ունակ կլինի մեկ ժամում փոխադրել 600 ուղևորի: Ընդ որում, խցիկներից յուրաքանչյուրը նախատեսված է լինելու 32 մարդու համար:
Ճոպանուղու կանգառները գտնվելու են քաղաքի երկու հատվածներում գտնվող մետրոպոլիտենի կայարանների մոտ: Ստամբուլի իշխանությունները պլանավորել են նաև քաղաքի ասիական հատվածում կառուցել մետրոպոլիտենի նոր գիծ, որն ունենալու է 16 կայարան:
