Ավակովը վերացրել է ՆԳՆ-ի «Բերկուտ» հատուկ նշանակության ստորաբաժանումը
Ուկրաինական UNIAN լրատվական գործակալության փոխանցմամբ՝ ներքին գործերի նախարարի պաշտոնակատար Արսեն Ավակովը վերացրել է ՆԳՆ-ի «Բերկուտ» հատուկ նշանակության ստորաբաժանումը: Այս մասին նա գրել է Facebook-ի իր էջում:
Դրանում նշված է, որ «Բերկուտ» քաղաքացիական անվտանգության հատուկ ստորաբաժանման վերացման մասին թիվ 144 հրամանն Ավակովը ստորագրել է երեկ: Մանրամասներն Ավակովը խոստացել է ներկայացնել այսօր՝ հատուկ ճեպազրույցի ժամանակ:
