Ուկրաինայի խորհրդարանը Կիևի ընտրությունները նույնպես նշանակել է մայիսի 25-ին
Интерфакс-Украина-ի փոխանցմամբ՝ Ուկրաինայի Գերագույն ռադան Կիևի քաղաքային խորհրդի ու քաղաքապետի ընտրությունները նշանակել է այս տարվա մայիսի 25-ին՝ արտահերթ նախագահական ընտրությունների հետ միաժամանակ:
Համապատասխան որոշման օգտին քվեարկել է խորհրդարանի դահլիճում գրանցված 363 պատգամավորից 331-ը: Կիևի քաղաքային խորհրդի լիազորությունների ժամկետն ավարտվում է 2013 թվականի հունիսի 2-ին: Կիևի վերջին քաղաքապետ Լեոնիդ Չեռնովեցկին հրաժարական է տվել 2012 թվականի հունիսի սկզբին:
