Անդրեյ Կլյուևը հրաժարական է տվել
Ուկրաինական UNIAN լրատվական գործակալության փոխանցմամբ՝ նախագահի աշխատակազմի ղեկավար Անդրեյ Կլյուևը փետրվարի 23-ին Ղրիմում հանդիպել է նախագահ Վիկտոր Յանուկովիչի հետ ու հրաժարականի մասին դիմում գրել: Այս մասին գործակալությանը հայտնել է հենց ինքը՝ Կլյուևը:
Նա հաստատել է, որ կամավոր գրել է հրաժարականի դիմում և Ղրիմում Յանուկովիչի հետ հանդիպել է բացառապես անձամբ իր դիմումը նրան հանձնելու համար: Կլյուևն ընդգծել է, որ փաստացիորեն հեռացված է եղել հակամարտության կարգավորման վերաբերյալ որոշումներից և չի իմացել պատրաստվող ուժային սցենարի մասին:
Կլյուևը վստահություն է հայտնել, որ հետաքննությունը կպարզի տեղի ունեցած աղետի բոլոր հանգամանքները և մեղավորները կենթարկվեն պատասխանատվության:
