Ուկրաինայի նախագահական նստավայրի փաստաթղթերը հրապարակվելու են YanukovychLeaks կայքում
ZN.UA-ի փոխանցմամբ՝ Մեժիգորիե նախագահական նստավայրի փաստաթղթեր, որոնցից փախուստից առաջ փորձել են ձերբազատվել Վիկտոր Յանուկովիչի ենթակաները, հրապարակվելու են հատուկ դրա համար ստեղված YanukovychLeaks կայքում:
Լրագրողներն ու ակտիվիստները, որոնք ներկայումս զբաղվում են հայտնաբերված փաստաթղթերի համակարգմամբ, հայտարարել են, որ փետրվարի 22-ին լքված նստավայրի տարածքում ջրասուզակներին հաջողվել է որսալ փաստաթղթերով լեցուն մոտ 200 թղթապանակ:
Այժմ այդ փաստաթղթերը մատչելի են լինելու աշխարհի բոլոր լրագրողների համար: YanukovychLeaks կայքում հրապարակվելու են նաև լրագրողական հետաքննություններ, որոնք հենված կլինեն տվյալ փաստաթղթերի վրա:
