Իրանը ներկայացրել է ռազմական ոլորտում իր վերջին նվաճումները
IRIB News-ի փոխանցմամբ՝ Իրանը ներկայացրել է հայրենական արտադրության բալիստիկ հրթիռների ուղղորդման համակարգը, որն օժտված է թիրախը խոցելու մեծ ճշգրտությամբ:
Համակարգի ստեղծման ժամանակ օգտագործված նոր նյութերը հնարավորություն են ընձեռում հթրիռներն ուղղել թե՛ ծովում, թե՛ ցամաքում գտնվող թիրախների վրա: Բացի այդ, այս համակարգի ևս մեկ առավելությունն այն է, որ նա ունակ է հաղթահարել հակահրթիռային պաշտպանության (ՀՀՊ) համակարգերը:
Իրանը ներկայացրել է նաև իր կազմածո զրահը, որը կարող է օգտագործվել ռազմական տրանսպորտային միջոցների պաշտպանության համար: Այդ զրահը ստեղծվել է բացառիկ մանրաթելի հիման վրա և ունակ է տեխնիկան պաշտպանել զրահածակող փամփուշտներից:
Բացի այդ, նոր զրահի քաշը 76 տոկոսով նվազեցնելու շնորհիվ աճել է ռազմական փոխադրամիջոցների արագությունը:
