Օլանդն ու Պուտինը քննարկել են Ուկրաինայի հարցը
Ռուսական РИА Новости լրատվական գործակալության փոխանցմամբ՝ Ֆրանսիայի նախագահ Ֆրանսուա Օլանդը երեկ հեռախոսազրույց է ունեցել Ռուսաստանի նախագահ Վլադիմիր Պուտինի հետ, որի ժամանակ քննարկել է Ուկրաինայում տիրող իրավիճակը:
Այս մասին նշված է Ելիսեյան պալատի տարածած հաղորդագրությունում: Հեռախոսազրույցի ժամանակ Օլանդն ընդգծել է իշխանության խաղաղ փոխանցման անհրաժեշտությունը և կարևորել է Ուկրաինայի տարածքային ամբողջականության պահպանումը:
Օլանդի խոսքերով՝ քաղաքական ուժերի լայն ներգրավվածությամբ ուկրաինական կառավարության ձևավորումը պետք է նպաստի նախագահական ընտրությունների կազմակերպմանն ու անհրաժեշտ բարեփոխումների անցկացմանը.
«Ամեն ինչ պետք է արվի նրա համար, որ Ուկրաինայի համար այս ծանր ժամանակաշրջանում ցուցաբերվի ֆինանսական օգնություն, որը կօգնի արդիականացնել երկրի տնտեսությունը: ԵՄ-ն ու Ռուսաստանը պետք է աշխատեն այդ ուղղությամբ»:
Պուտինն ու Օլանդը պայմանավորվել են շարունակել խորհրդակցություններն Ուկրաինայի շուրջ:
