Վրաստանի կառավարությունը մտադիր է խստացնել դեղորայքի որակի հանդեպ վերահսկողությունը
![](https://168.am/wp-content/uploads/2014/02/21_02_2014_11_52_38crop.jpg)
Business Грузия-ի փոխանցմամբ՝ Վրաստանի կառավարությունը մտադիր է ավելի խստացնել դեղորայքի որակի հանդեպ վերահսկողությունը, սակայն դրա հետ մեկտեղ չի պատրաստվում չափազանց լայն բացել տեղի դեղագործական շուկայի դռները: Այս մասին հայտարարել է Վրաստանի առողջապահության նախարար Դավիթ Սերգիենկոն.
«Շուկան զգալիորեն չի բացվի օտար արտադրողի համար այնքան ժամանակ, քանի դեռ չեն ավարտվել դեղորայքի որակի վերահսկման համակարգի վրա կատարվող աշխատանքները: Այդ գործընթացն արդեն մեկնարկել է, և մենք փորձում ենք պոտենցիալ վտանգավոր դեղորայքից առավելագույն կերպ պաշտպանել մեր քաղաքացիներին: Քանի դեռ չի գործում այդ համակարգը, չի ակնկալվում որևէ լայն միջամտություն»: