Ուկրաինայի խորհրդարանը վաղաժամ նախագահական ընտրությունները նշանակել է մայիսի 25-ին
Ռուսական РИА Новости լրատվական գործակալության փոխանցմամբ` Ուկրաինայի խորհրդարանը վաղաժամ նախագահական ընտրությունները նշանակել է մայիսի 25-ին: Ուկրաինայում նախագահական ընտրությունները պետք է տեղի ունենային 2015 թվականին:
Խորհրդարանի նախագահ Ալեքսանդր Տուրչինովը հայտարարել է, որ քանի որ Վիկտոր Յանուկովիչը գտնվում է Խարկովում և ոչ սահմանադրական եղանակով ինքնուրույն հրաժարվել է Ուկրաինայի նախագահի պարտականությունները կատարելուց, ուստիև խորհրդարանը ստիպված է հայտարարել արտահերթ նախագահական ընտրությունների մասին:
Ավելի վաղ հաղորդվել էր, որ վաղաժամ նախագահական ընտրություններն անցկացվելու են ընթացիկ տարվա դեկտեմբերին:
