Ուկրաինայում մեկնարկել է երկօրյա սուգը
ZN.UA-ի փոխանցմամբ` փետրվարի 22-ը և 23-ն Ուկրաինայում հայտարարվել են սգո օրեր` կապված Կիևում տեղի ունեցած բողոքի զանգվածային ակցիաների ժամանակ մարդկանց զոհվելու հետ: Համապատասխան (թիվ 89) հրամանը դեռևս գործող նախագահ Վիկտոր Յանուկովիչը ստորագրել է երեկ, ինչն էլ հրապարակվել է պետության ղեկավարի կայքում:
Հրամանի համաձայն, փետրվարյան այս օրերին Ուկրաինայի ողջ տարածքում իջեցվում են պետական դրոշները, չեղյալ են հայտարարվում ժամանցային-զվարճալի միջոցառումները, համապատասխան ուղղումներ են արվում հեռուստատեսության ու ռադիոյի ծրագրերում: Պաշտոնական տվյալներով` փետրվարի 18-ից Կիևում բախումների հետևանքով զոհվել է 77 մարդ:
