Ոստիկանությանը չի հաջողվել գտնել Մոսոյի դիակը, ում սպանության մեջ մեղադրում են Իսոյին. «Փաստինֆո»
![](https://168.am/wp-content/uploads/2014/01/Varduhi1.jpg)
Քրեական աշխարհում հայտնի Թևոսիկի եղբոր՝ Արթուր Սաֆարյանի սպանության գործի շրջանակներում Մովսես Ներսիսյանի ենթադրյալ սպանության գործով մեղադրյալ Տիգրան Ասատրյանի պաշտպան Վարդուհի Էլբակյանը վերադասության կարգով բողոքարկելու է ոստիկանության գործողությունները ու բոլոր որոշումները: Այս մասին այսօր «Փաստինֆո»-ի հետ զրույցում ասել է փաստաբանը:
Ըստ պաշտպանի`իր պաշտպանյալի նկատմամբ ՀՀ քրեական օրենսգրքի 335-րդ հոդվածով՝ հանցագործության մասին չհայտնելը, մեղադրանք առաջադրելը որևէ հիմք չունի: Նա տարակուսանք է հայտնել, որ քննչական մարմինը որպես հաստատված փաստ է ներկայացնում, որ իր պաշտպանյալը պարտակել է առանձնապես ծանր հանցագործությունը այն դեպքում, երբ չի հայտնաբերվել Մովսես Ներսիսյանի դիակը:
«Ես, միանշանակ, որպես հաստատված փաստ` չեմ կարող պնդել, որ վերջինս մահացած է, սակայն այն, ինչ որ ներկայացվում է ոստիկանության կողմից, հիմք է տալիս ենթադրելու, որ Մովսես Ներսիսյանը ողջ է»,- ասել է Վ.Էլբակյանը:
Նա հավելել է, որ եթե Մովսեսը մահացած է, իրենք տեղը գիտեն, ինչո՞ւ չեն գտնում` հայտնի է, որ որոնողական լայնածավալ աշխատանքներ են կատարվում: Պաշտպանը միաժամանակ նշեց, որ անկախ Մովսեսը ողջ է, թե` մահացած, իր պաշտպանյալը որևէ առնչություն չունի դրա հետ:
Իսկ ապօրինի զենք պահելու մեղադրանքի կապակցությամբ իր պաշտպանյալը հանդես կգա համապատասխան հայտարարությամբ, երբ հարմար կգտնի: Դեռ հարց է, թե ինչպե՞ս և ի՞նչ պայմաններում է զենքը հայտնաբերվել: Վարդուհի Էլբակյանի խոսքերով` այս անհիմն մեղադրանքների հիման վրա իր պաշտպանյալին կալանավորելու` դատարանի որոշումն անհիմն է:
Ամբողջությամբ կարող եք կարդալ սկզբնաղբյուր կայքում: