Կանադան պատժամիջոցներ է սահմանել Յանուկովիչի նկատմամբ
Կանադական CBC հեռուստաալիքի փոխանցմամբ՝ Կանադայի իշխանությունները վիզային սահմանափակումներ են մտցրել Ուկրաինայի նախագահ Վիկտոր Յանուկովիչի ու Ուկրաինայի կառավարության բարձրաստիճան ներկայացուցիչների դեմ: Բացի այդ, սառեցվել են նրանց ֆինանսական ակտիվները:
Այս մասին հայտարարել է Կանադայի վարչապետ Սթիվեն Հարփերը: Նա հայտարարել է, որ Կանադան նախկինի նման վրդովված է Ուկրաինայում բռնությունների շարունակման կապակցությամբ: ԵՄ-ի Խորհուրդը երեկ քվեարկել է Ուկրաինայի իշխանությունների նկատմամբ պատժամիջոցներ սահմանելու օգտին:
