Ուկրաինան հրաժարվել է 2 միլիարդ դոլարի եվրոպարտատոմսեր թողարկելուց
Ուկրաինական UNIAN լրատվական գործակալության փոխանցմամբ՝ Ուկրաինան հրաաժարվել է 2 միլիարդ դոլարի եվրոպարտատոմսեր թողարկելուց, ինչը պետք է տեղի ունենար ռուսական 15 միլիարդ դոլարի վարկի հերթական տրանշի շրջանակներում: Ավելի վաղ պլանավորվել էր այդ պարտատոմսերը տեղակայել Իռլանդական ֆոնդային բորսայում:
Եվրոպարտատոմսեր թողարկելուց հրաժարվելը կապված է Ուկրաինայում քաղաքական իրավիճակի սրման հետ: Այս մասին նշված է բորսայի տարածած հայտարարությունում: 2 միլարդ դոլարի պարտատոմսերի թողարկման մասին որոշումն ընդունվել էր հունվարի վերջին:
Սակայն Ուկրաինայի կառավարության հրաժարականը և նոր կառավարության ձևավորման ձգձգումը պայմանավորել են ֆինանսավորում հատկացնելու վերաբերյալ ռուսական կողմի ցանկություն չունենալը:
