Կիևում տեղաշարժվելն անհնարին է դառնում
Քիչ առաջ Կիևի մեր աղբյուրներից տեղեկացանք, որ կաթվածահար է եղել Կիևի հասարակական տրանսպորտի աշխատանքը, մասնավորապես, դադարեցվել և երեկվանից փակվել է Մետրոպոլիտենը: Այսօր արդեն փակվել են նաև բոլոր բենզալցակայանները, ըստ ամենայնի՝ քաղաքի որոշ հատվածների հրդեհման միջադեպերը կանխելու նպատակով: Մյուս կողմից էլ՝ բենզալցակայանների գործունեությունը սահմանափակելու քայլը բացատրվում է մարդկանց Մայդան տեղափոխվելու ճանապարհները խոչընդոտելու միտումով: Սակայն փաստն այն է, որ բնակչությունն առաջիկայում տեղաշարժվելու լուրջ խնդրի առաջ է կանգնելու: Րոպեներ առաջ Կիևից նաև տեղեկություն ստացանք այն մասին, որ խոսակցություններ կան ազգաբնակչությանն ինտերնետային և հեռախոսակապերից զրկելու և պարետային ժամ հայտարարելու մասին:
