Իրանը պլանավորել է երկրի հարավում կառուցել միջուկային հետազոտական ռեակտոր
Իրանական ISNA լրատվական գործակալության փոխանցմամբ՝ Իրանի իշխանությունները պլանավորել են հարավային Փարս նահանգում կառուցել միջուկային հետազոտական ռեակտոր, որի հզորությունը կազմելու է 10 մեգավատտ:
Նշվում է, որ Շիրազի համալսարանը պլանավորել է գործարկել 10 մեգավատտ հզորությամբ հետազոտական ռեակտոր: Եթե ռեակտորը գործարկվի, ապա նա կկարողանա սպասարկել ոչ միայն տվյալ նահանգին, այլև՝ հարևան մի շարք շրջաններին:
Ռեակտորի գործարկման ստույգ ժամկետը դեռ հայտնի չէ:
