Դավութօղլուն հայ-թուրքական սահմանի բացումը շաղկապել է ԼՂ-ի խնդրի լուծման հետ

Ադրբեջանական Trend լրատվական գործակալության փոխանցմամբ՝ Թուրքիայի արտգործնախարար Ահմեթ Դավութօղլուն Գյանջայում տեղի ունեցած եռակողմ հանդիպումից հետո կազմակերպված մամուլի ասուլիսի ժամանակ հայտարարել է, որ Կովկասի սառեցված հակամարտությունները խոչընդոտում են խաղաղության հաստատմանը տարածաշրջանում:

Դավութօղլուի խոսքերով՝ բոլոր կողմերը պետք է անեն իրենցից կախված ամեն ինչ՝ սառեցված հակամարտությունների կարգավորման համար: Անդրադառնալով հայ-թուրքական սահմանի բացման խնդրին՝ Դավութօղլուն ընդգծել է, որ դա տեղի չի ունենա այնքան ժամանակ, քանի դեռ չի կարգավորվել Ղարաբաղյան հակամարտությունը: