Հռոմի պապն Ուկրաինայում հակամարտող բոլոր կողմերին կոչ է արել վերջ դնել բռնություններին
ZN.UA-ի փոխանցմամբ՝ Հռոմի պապ Ֆրանցիսկոսն Ուկրաինայում հակամարտող բոլոր կողմերին կոչ է արել դադարեցնել բռնությունները և սկսել խնդրի լուծման փոխընդունելի որոշումների փնտրտուքը: Այս մասին նա հայտարարել է լայն լսարանի առաջ.
«Ես բոլոր կողմերին կոչ եմ անում դադարեցնել ամեն տիպի բռնությունները և սկսել երկրի համար խաղաղության ու համաձայնության փնտրտուք: Խորին մտահոգությամբ եմ հետևում նրան, թե վերջին օրերին ինչ է կատարվում Ուկրաինայում և աղոթում եմ բռնությունների զոհերի, նրանց հարազատների ու վիրավորների համար»:
Փետրվարի 20-ը Ուկրաինայում հայտարարվել է սգո օր:
