Եգիպտոսի իսլամականները զբոսաշրջիկներին խորհուրդ են տվել լքել երկիրը
Բրիտանական Reuters լրատվական գործակալության փոխանցմամբ՝ եգիպտական «Անսար Բեյթ ալ-Մակդիս» իսլամական խմբավորումը օտարազգի զբոսաշրջիկներին զգուշացրել է, որ փետրվարի 20-ից հետո անցանկալի է նրանց ներկայությունը երկրում:
Խմբավորումը, որը ստանձնել էր ոչ վաղ անցյալում Իսրայելի սահմանի մոտ հարավկորեացի ուխտագնացների ավտոբուսի պայթեցման պատասխանատվությունը, օտարազգիներին խորհուրդ է տվել լքել երկիրը, «քանի դեռ չափազանց ուշ չէ»: Մահապարտ ահաբեկիչը պայթեցրել էր իրեն ավտոբուսի սրահում, ինչի հետևանքով զոհվել էր 2 զբոսաշրջիկ և ավտոբուսի վարորդը, ևս 10 մարդ վիրավորվել էր:
