Ղազախստանում ցուցարարներն իշխանափոխության կոչեր են հնչեցրել (տեսանյութ)
Новости-Казахстан լրատվական գործակալության փոխանցմամբ՝ փետրվարի 15-ին Ալմաթիում անցկացվել է չարտոնյալ հանրահավաք, որին մասնակցել է մոտ 200 մարդ: Նրանք հավաքվել են Հանրապետական նստավայրի առջև և սկսել են բողոքել գնաճի դեմ, հանդես են եկել երկրի սոցիալական խնդիրների լուծման օգտինմ, որոնք պայմանավորված են ազգային արժույթի՝ թենգեի կտրուկ արժեզրկմամբ:
Բացի այդ, ակցիայի ժամանակ հնչեցվել են իշխանափոխության մասին կարգախոսներ: Մոտ մեկ ժամ անց բողոքի ակցիայի մասնակիցները երթ են կազմակերպել, սակայն ոստիկանությունը փակել է նրանց ճանապարհը և ձերբակալել է 50 մարդու: Ղազախստանի նախագահ Նուրսուլթան Նազարբաևը հայտարարել է, որ թենգեն արժեզրկելու մասին որոշումն ընդունվել է ղազախստանցի արտադրողներին ու երկրի տնտեսությանն աջակցելու նպատակով:
