Իրանը պատրաստ է նավթ մատակարարել Ռուսաստանին
Ռուսական Коммерсант թերթին տված հարցազրույցի ժամանակ Ռուսաստանում Իրանի դեսպան Մեհդի Սանաին հայտարարել է, որ Իրանը պատրաստ է մոտ ժամանակներս ակտիվացնել Ռուսաստանի հետ փոխշահավետ ու բազմակողմ տնտեսական համագործակցությունը:
Դեսպանը հավելել է, որ Ռուսաստանը պետք է արտոնություններ ունենա իրանական շուկայում: Նրա խոսքերով՝ կողմերը ներկայումս բանակցում են Ռուսաստանին իրանական նավթ մատակարարելու մասին. «Նմանատիպ համագործակցությունը մեզ համար կատարելապես նորույթ է:
Ավելի վաղ Իրանը գազ է մատակարարել Խորհրդային Միությանը: Էներգետիկ ոլորտում նոր պայմանավորվածություններ կնքելը կնպաստի մեր երկրների միջև ապրանքաշրջանառության աճին և բնականաբար մեր տնտեսական կապերի ամրապնդմանը»:
