Էրդողանի որդին դատի է տվել Ստամբուլի դատախազությանը
Թուրքական Milliyet թերթի փոխանցմամբ՝ Թուրքիայի վարչապետ Ռեջեփ Էրդողանի որդի Բիլալ Էրդողանը հայց է ներկայացրել Ստամբուլի դատախազության դեմ: Որպես հայցի ներկայացման պատճառ է նշվում Թուրքիան ցնցած կոռուպցիոն սկանդալի շրջանակներում Բիլալ Էրդողանին զրպարտելը:
Ավելի վաղ Ստամբուլի դատախազությունը հայտարարել էր, որ կոռուպցիոն սկանդլի մեջ ներքաշված է նաև վարչապետ Էրդողանի որդի Բիլալը, ով հայտարարել էր, որ պատրաստ է ցուցմունքներ տալ այդ գործով:
Միևնույն ժամանակ Թուրքիայում ազատ է արձակվել Halk Bank-ի նախկին գլխավոր տնօրեն Սուլեյման Ասլանը, որին կալանքի տակ էին վերցրել նախորդ տարվա դեկտեմբերին Թուրքիայում իրականացված հակակոռուպցիոն գործի շրջանակներում: Ասլանից բացի, ազատ է արաձակվել ևս 8 մարդ: Այս տարվա փետրվարին Halk Bank-ի գլխավոր տնօրեն է նշանակվել Ալի Ֆուատ Թաշքեսենլիօղլուն:
