«Արծվի թև» հուշարձանի մոտ հայտնաբերվել է նռնակի պայթուցիչ և փամփուշտներ
Փետրվարի 12-ին, ժամը 12.25-ին, ոստիկանության Աշտարակի բաժնում հաղորդում է ստացվել, որ մի քաղաքացի Աշտարակ-Գյումրի ճանապարհին, «Արծվի թև» հուշարձանի մոտ, զենք-զինամթերք է թողնում:
Մեկնած օպերատիվ խումբը նշված վայրում հայտնաբերել է ինքնաձիգի 5,45 մմ տրամաչափի 50 փամփուշտ, նռնակի պայթուցիչ և «ԴՇԿ» տիպի գնդացրի փամփուշտ:
Հայտնաբերվածն ուղարկվել է փորձաքննության:
Կատարվում է հետաքննություն:
ՀՀ Ոստիկանություն
