Բենիամին Նեթանյահուն քննադատել է Մարտին Շուլցին
Իսրայելական Haaretz թերթի փոխանցմամբ՝ Իսրայելի վարչապետ Բենիամին Նեթանյահուն քննադատել է Եվրախորհրդարանի նախագահ Մարտին Շուլցիի՝ Իսրայելի խորհրդարանում (Կնեսեթ) ունեցած ելույթը:
Նեթանյահուի կարծիքով՝ Շուլցը միակողմանի դիրքորոշում է հայտնել պաղեստինա-իսրայելական հակամարտության նկատմամբ և անհիմն մեղադրանքներ է ներկայացրել Իսրայելին: Նեթանյահուին դուր չեն եկել Շուլցի խոսքերն այն մասին, որ իսրայելցիները սպառում են 4 անգամի ավելի շատ ջուր, քան՝ պաղեստինցիները:
Նեթանյահուն անհամաձայնություն է հայտնել դրա հետ՝ ընդգծելով, ջրի սպառման տարբերությունը զգալիորեն ավելի փոքր է: Շուլցի ելույթը քննադատել են նաև իսրայելցի այլ քաղաքական գործիչներ:
