Ամերիկացի սենատորը դատի է տվել Օբամային՝ կապված քաղաքացիներին գաղտնալսելու հետ
Ռուսական ИТАР-ТАСС լրատվական գործակալության փոխանցմամբ՝ սենատոր Ռենդ Փոլը երեկ դատի է տվել ԱՄՆ նախագահ Բարաք Օբամային՝ նրան մեղադրելով քաղաքացիների հեռախոսազրույցների մասին տվյալների հավաքումը թույլատրելիս օրենք խախտելու մեջ:
Հայցում շրջանառվում են նաև ԱՄՆ ազգային հետախուզության ղեկավար Ջեյմս Կլեպերի, Ազգային անվտանգության գործակալության տնօրեն Քեյթ Ալեքսանդերի ու Հետաքննությունների դաշնային բյուրոյի ղեկավար Ջեյմս Կոմիի անունները: Սենատորի ներկայացրած հայցում նշված է, որ 2006 թվականից գործող գաղտնալսման ծրագիրը խախտում է ԱՄՆ-ի սահմանադրության չորրորդ ուղղումը:
Ակնկալվում է, որ այս գործը հասնելու է մինչև Գերագույն դատարան: Փոլը կանխատեսել է, որ հաղթողը լինելու է ԱՄՆ-ի ժողովուրդը:
