Վանա լիճը կստանա խոշոր լաստանավեր
Թուրքական Sabah թերթի փոխանցմամբ՝ արևելյան շրջանների ձգողական կենտրոն Վանում կառուցվում են երկու խոշոր լաստանավեր: Վանի ինժեներները նախագծել են նոր խոշոր լաստանավ, որն ունակ է իր վրա կրել 50 վագոն:
Լաստանավի երկարությունը կազմելու է 135.6 մետր, լայնությունը՝ 24 մետր, արագությունը՝ 14 հանգույց: Նշվում է, որ լաստանավը 5 տոկոսով կավելացնի լճի վրայով առևտուրը: Վերջին տարիներին Վանում լայնորեն զարգացել են առևտուրը, զբոսաշրջությունը և արդյունաբերությունը:
