Ռուսաստանի, ԱՄՆ-ի ու ՄԱԿ-ի եռակողմ բանակցությունները Ժնևում անցկացվելու են փետրվարի 13-ին
Ռուսական РИА Новости լրատվական գործակալության փոխանցմամբ՝ միջսիրիկան կարգավորման վերաբերյալ Ռուսաստանի, ԱՄՆ-ի ու ՄԱԿ-ի եռակողմ բանակցությունները Ժնևում անցկացվելու են փետրվարի 13-ին: Այս մասին հայտնել է ՄԱԿ-ի մամուլի ծառայությունը:
Վերջինիս հաղորդմամբ՝ այդ բանակցություններին մասնակցելու են Ռուսաստանի փոխարտգործնախարար Գենադի Գատիլովը, ԱՄՆ փոխպետքարտուղար Ուենդի Շերմանը և Սիրիայի հարցում ՄԱԿ-ի ու ԱՊԼ-ի հատուկ ներկայացուցիչ Լախդար Բրահիմին:
Ավելի վաղ հաղորդվել էր, որ եռակողմ այդ բանակցությունները պետք է անցկացվեին փետրվարի 14-ին:
