Որ անուններն են հայ ծնողները ամենից շատ տվել իրենց երեխաներին
2013թ.-ին Հայաստանում ծնվել է 41,770 երեխա, որոնցից 19,570 -ը՝ աղջիկներ, 22,200-ը՝ տղաներ: Ազգային վիճակագրական ծառայության հրապարակման համաձայն՝ նորածին աղջիկների անունների թոփ տասնյակի առաջին հորիզոնականում է Նարե անունը (այդ անունով կոչել են 953 աղջիկների): Դրան հաջորդում են Մարի (823), Մանե (683), Միլենա (678), Անի (556), Էլեն (502), Անահիտ (495), Մարիա (488), Մարիամ (423) և Աննա (410) անունները:
Հայաստանի հայրիկներն ու մայրիկներն իրենց որդիներին առավել շատ նախընտրել են կոչել Դավիթ (1410), ապա Նարեկ (1163), Գոռ (693), Հայկ (603), Ալեքս (600), Էրիկ (494), Սամվել (478), Տիգրան (475), Արթուր (473) և Արման (455):
