ԱՄՆ պետդեպարտամենտն արձագանքել է Թուրքիայից ադրբեջանցի լրագրողի արտաքսմանը
Ադրբեջանական Trend լրատվական գործակալության փոխանցմամբ` ԱՄՆ պետդեպարտամենտն արձագանքել է Թուրքիայից ադրբեջանցի լրագրող Մահիր Զեյնալովի արտաքսմանը: Այս մասին հայտնել է Պետդեպարտամենտի կայքը:
Պետդեպարտամենտի ներկայացուցիչ Ջեն Պսակին հայտարարել է, որ իրենց անհանգստացրել է այդ տեղեկատվությունը: Պսակին ընդգծել է, որ ԱՄՆ-ը պաշտպանել ու պաշտպանում է խոսքի ազատությունը համայն աշխարհում: Պսակիի խոսքերով` անկախ մեդիան շատ կարևոր է առողջ ու ամուր ժողովրդավարության համար:
