Ռուսաստանը չի միջամտել և չի միջամտելու Ուկրաինայում տիրող իրավիճակին. Լուկաշևիչ
Gazeta.ru-ի փոխանցմամբ՝ Ռուսաստանի ԱԳՆ-ի պաշտոնական ներկայացուցիչ Ալեքսանդր Լուկաշևիչն այսօր հայտարարել է, որ Ռուսաստանը չի միջամտել և չի միջամտելու Ուկրաինայում տիրող իրավիճակին.
«Մենք կարծում ենք, որ Ուկրաինայի ղեկավարությունը լիովին կենսունակ է ինքնուրույն որոշումներ ընդունելու՝ լուծելու համար քաղաքական այդ ճգնաժամը: Մենք չենք միջամտել և չենք միջամտի այդ գործընթացիներին:
Սակայն բնականաբար մենք շատ ինտենսիվ, բազմակողմ երկխոսություն ենք իրականացնում բոլոր ուղիներով, որոնց շրջանակներում մենք լուծում ենք բոլոր հրատապ հարցերը՝ գործնական քաղաքականության ու տնտեսական համագործակցության հարցերը»:
