Ադրբեջանում ակտիվիստին ձերբակալել են նախագահին ու պետականությանը վիրավորելու համար
Haqqin.az պորտալի փոխանցմամբ՝ ոչ վաղ անցյալում ազատության մեջ հայտնված «Ադրբեջանի ժողովրդական ճակատ» կուսակցության ակտիվիստ Ռասուլ Մուրսալովը վերստին ձերբակալվել է ոստիկանության կողմից: Այս մասին հայտարարել է կուսակցության մամլո ծառայության ղեկավար Նատիգ Ադիլովը:
Վերջինիս խոսքերով՝ ոստիկանները Մուրսալովին ձերբակալել են ուղիղ փողոցում՝ նրան մեղադրելով երկրի նախագահին ու պետականությանը վիրավորելու մեջ: Դատարանը նրան տուգանել է 200 մանաթով (1 մանաթը մոտավորապես հավասար է 1 եվրոյի):
