Թուրքիայի խորհրդարանն ընդունել է համացանցում գրաքննություն անցկացնելու մասին օրինագիծը
CNN Türk հեռուստաալիքի փոխանցմամբ՝ Թուրքիայի խորհրդարանը մեկշաբաթյա քննարկումներից հետո հավանության է արժանացրել համացանցում գրաքննություն անցկացնելու մասին օրինագիծը: Այն իշխանություններին հնարավորություն է տալիս փակել ինտերնետային ռեսուրսի մուտքը՝ առանց նախապես դատարանի որոշումը ստանալու:
Քվեարկությունն անցկացվել է երեկ երեկոյան, ինչից հետո օրինագիծը հաստատման համար ուղարկվել է երկրի նախագահին: Թուրքիայում վաղուց են քննադատության արժանանում ինտեներտային բովանդակության վերահսկման միջոցները, ինչը վերաբերում է թե՛ տեղի իրավապաշտպաններին, թե՛ օտար կառույցներին:
Հավանության արժանացած օրինագիծը Թուրքիայի կապի, տրանսպորտի ու նավագնացության նախարարությանն իրավունք է տալիս առանց դատական որոշման փակել յուրաքանչյուր կայք: Դրա համար «հիմք կարող է ծառայել» այն, որ տվյալ կայքը խախտում է անձնական կյանքի անձեռնմխելիությունը:
