Բայդենը Յանուկովիչին կոչ է արել հատուկջոկատայիններին հեռացնել փողոցներից
Ռուսական ИТАР-ТАСС լրատվական գործակալության փոխանցմամբ՝ ԱՄՆ փոխնախագահ Ջոզեֆ Բայդենը հեռախոսազրույց է ունեցել Ուկրաինայի նախագահ Վիկտոր Յանուկովիչի հետ, որի ժամանակ նրան կոչ է արել օգտագործել յուրաքանչյուր հնարավորություն՝ երկրում առկա լարվածությունը նվազեցնելու համար.
«Դա ենթադրում է այնպիսի անհապաղ քայլեր, ինչպիսիք են ոստիկանական հատուկջոկատայիններին փողոցներից դուրս բերելը, ձերբակալված ցուցարարներին ազատ արձակելը և այն անձանց պատասխանատվության ենթարկելը, որոնք մասնակից են լրագրողների ու ցուցարարների վրա հարձակումներին ու նրանց ծեծի ենթարկելուն:
Ուկրաինայում խաղաղություն ու կայունություն հաստատելու միակ իրական ուղին երկխոսության շարունակումն է և իրական փոխզիջման մշակումը՝ նոր կառավարություն ձևավորելու նպատակով, որն ունակ կլինի շահել ժողովրդի վստահությունը»:
