Հունաստանում գրանցվել է ուժգին երկրաշարժ
Բրիտանական Reuters լրատվական գործակալության փոխանցմամբ՝ այսօր առավոտյան Հունաստանի արևմուտքում գրանցվել է 6.1 մագնիտուդ ուժգնությամբ երկրաշարժ: Այս մասին հայտարարել է ԱՄՆ-ի երկրաբանություն, գեոդեզիայի և քարտեզագրության ծառայությունը (United States Geological Survey):
Վերջինիս հաղորդմամբ՝ ցնցումները գրանցվել են Պատրաս քաղաքից 122 կիլոմետր դեպի արևմուտք: Երկրաշարժի օջախը գտնվել է 13.7 կիլոմետր խորության վրա: Ռուսական կողմի տվյալներով՝ երկրաշարժի ուժգնությունը կազմել է 5.9 մագնիտուդ: Երկրաշարժի հետևանքների մասին առայժմ ոչինչ հայտնի չէ:
