ԵԱՀԿ Մինսկի խմբի համանախագահները ժամանել են Ադրբեջան
Ադրբեջանական APA լրատվական գործակալության փոխանցմամբ՝ ԵԱՀԿ Մինսկի խմբի համանախագահները երեկ ժամանել են Ադրբեջան: Այսօր նրանք հանդիպումներ կունենան Ադրբեջանի նախագահ Իլհամ Ալիևի ու արտգործնախարար Էլմար Մամեդյարովի հետ: Ադրբեջանական այցից հետո համանախագահները կմեկնեն Հայաստան:
Մամեդյարովը փետրվարի 1-ին Մյունխենի անվտանգության կոնֆերանսի շրջանակներում հանդիեպել է ԵԱՀԿ-ի գլխավոր քարտուղար Լամբերտո Զանիերի հետ: Հանդիպման ժամանակ կողմերը քննարկել են ԵԱՀԿ-ի ու Ադրբեջանի միջև համագործակցությունը, ինչպես նաև Բաքվում ԵԱՀԿ-ի Կոորդինացիոն գրասենյակի գործունեությունը:
Հանդիպման ժամանակ Մամեդյարովը Զանիերին իրազեկել է Ղարաբաղյան բանակցային գործընթացի ընթացքի մասին: Զանիերն իր հերթին մտահոգություն է հայտնել շփման գծում հրադադարի ռեժիմի խախտումների կապակցությամբ:
