Գարիբաշվիլին բազմաթիվ կարևոր հանդիպումներ կանցկացնի Բրյուսելում
Грузия Online-ի փոխանցմամբ՝ Վրաստանի վարչապետ Իրակլի Գարիբաշվիլին այսօր կմեկնի Բելգիա: Այս մասին հայտարարել է Վրաստանի կառավարության ղեկավարի մամուլի ծառայությունը:
Վերջինիս հաղորդմամբ՝ այցի շրջանակներում պլանավորված է, որ Գարիբաշվիլին հանդիպումներ է ունենալու ԵՄ-ի ընդլյանման ու հարևանության քաղաքականության հարցերով հանձնակատար Շտեֆան Ֆյուլեի ու Եվրոպական հանձնաժողովի նախագահ Ժոզե Մանուել Բառոզուի հետ: Այդ հանդիպումներից հետո կողմերը հանդես կգան համատեղ հայտարարություններով:
Բացի այդ, Գարիբաշվիլին հանդիպումներ է ունենալու ՆԱՏՕ-ի գլխավոր քարտուղար Անդերս Ֆոգ Ռասմուսենի, Եվրոպական խորհրդի նախագահ Հերման վան Ռոմպեյի, ԵՄ-ի դիվանագիտության ղեկավար Քեթրին Էշթոնի, ներքին հարցերով եվրահանձնակատար Սեսիլիա Մալմստրյոմի, էներգետիկ հարցերով եվրահանձնակատար Գյունթեր Օթթինգերի հետ:
