Մենք աշխատում ենք Ղարաբաղի, Կովկասի ուղղությամբ. Ջոն Քերի
ԱՄՆ պետդեպարտամենտի պաշտոնական կայքի փոխանցմամբ՝ ԱՄՆ պետքարտուղար Ջոն Քերին փետրվարի 1-ին Մյունխենի անվտանգության կոնֆերանսում ունեցած իր ելույթում, ի թիվս այլ հարցերի, անդրադարձել է նաև Ղարաբաղյան հակամարտության կարգավորմանը.
«ԱՄՆ-ը ջանասիրաբար աշխատում է Ղարաբաղյան ու Կիպրական հակամարտությունների կարգավորման ուղղությամբ: Մենք աշխատում ենք Ղարաբաղի, Կովկասի ուղղությամբ: Երբեմն մենք աշխատում ենք աննկատ, և դուք չեք լսում այդ մասին: Սակայն վստահեցնում եմ ձեզ, որ այդ ուղղությամբ աշխատանքները շարունակվում են և չեն դադարում ոչ մի օր»:
