Ուկրաինան պետք է մերձենա և ԵՄ-ի, և Ռուսաստանի հետ. «կամ-կամ» մոդելը ապագա չունի. Ավստրիայի ԱԳՆ
Ավստրիացի նորանշանակ 27-ամյա արտգործնախարար Սեբաստիան Կուրցը հայտարարել է, որ Ուկրաինայի դեպքում «կամ-կամ» գաղափարի կիրառումը ապագա չունի, գրում է ավստրիական «Die Presse» պարբերականը:
«Պետությունները պետք է ինքնիշխան կերպով որոշումներ կայացնեն: Համոզված եմ, որ Ուկրաինայի համար ի վերջո պետք է հնարավոր լինի ինչպես Եվրամիության հետ մերձեցումը, այնպես էլ Ռուսաստանի հետ սերտ համագործակցությունը: Մնացած ամեն ինչ Ուկրաինայի համար տնտեսական առումով անիմաստ կլինի»,-հայտարարել է երիտասարդ նախարարը:
Մեկնաբանելով լրագրողների պնդումը, թե ներկայումս Ուկրաինան ծանր ընտրության առջեւ է` ԵՄ կամ Մաքսային միություն, Կուրցն ասել է. «կամ-կամ» մոդելը ապագա չունի»:
